Vandag, an’n Frie’ndag, hett de Groot Schnatgang van de Hieger Leeskop sien Hööchpunkt erreicht. Vörneweg gung de Oberbörgermeesterin mit ehr Wachten, dorachter mit vele Hunnert Ossenbrügger un Leeskopper gung dat na Middag rut in’t Hieger Holt.
Schnatgang 2025: Mit vele Hunnert Ossenbrügger gung dat rut in’t Hieger Holt / Foto: PohlmannDor wurrn de Grenzen van’t Gemeinland bit an de Stadtgrenzen aflopen – mit mank de vele „Olle Use“-Röp. An’n Grenzsteen hett een junges Leeskop-Mitglied de traditschonelle „Backpann“, de all Tieden as Gedächtnisverstärker gellt, afkriegen.
De Oberbörgermeesterin mit ehr Wachten vörneweg bi’n Groot Schnatgang / Foto: Pohlmann
De Groot Schnatgang kummt blot alle sövn Johr vör un höört to de ollsten Bruken in Ossenbrügge. Fröher weer dat dor för da, de Gemeinmarken van de Hieger Leeskop to kontrolliern un de Grenzen sichtbor to maken. Dor kregen de jungen Mannlüüd an markanten Steden een „Backpann“, mit den Röp „Olle Use“ – op Hoochdüütsch „Allens unsers“.
De Fruunslüüd hebbt sik för’n grooten Schnatgang mit flechtene Kränze in’t Hoor schmöckt / Foto: Pohlmann
Vandag is de Schnatgang veel mehr as blot een Grenzgang: He is to’n Fest för all worden, dat den Tosamenholl un de Identität van Ossenbrügge in’t Middelpunkt stellt. De Hieger Leeskop, een Börgerschop mit Wuddels in’t Middelalter, sorgt noch hüt för de Organisatschoon un dat Levenhollen vun de Traditschoon.
Dat schall wohl heten: Hieger Leeskop, so oolt as de Stadt / Foto: Pohlmann
Bit to’n 6. September verwanneln de Ossenbrügger Olle Stadt sik in een grote Platz för’t Feiern för Geschicht un Bruk. Mit Püppkes, Schilder un Schmück warrt een ganz egen Stimmig maakt. Spelen, Wettkämpen un Akschonen sünd vor allem för de Kinner un de Jugendlichen da, de ok över Scholen un Jugendgruppen mitmaakt warrt. Een Lichtprojektschoon an de Marienkark verbindt Kunst un Geschicht. Den feestlich Afsluut maakt een groot Dansfest.
Rut, dör dat Hieger Toor, an de Grenzen van de Leeskop in’t Hieger Holt / Foto: Pohlmann
